جاری جاران
جاری جاران مانگه‌كان تێپه‌ڕین و .. من هه‌ر ڕۆژ و چركه‌كانیانم ژمارد. ساڵێك تێپه‌ڕی و ئه‌و.. هه‌ر به خه‌یاڵی منه‌وه نووسا. ساڵێك تێپه‌ڕی و .. من هه‌ربه‌دوای وێنه‌یه‌كه‌وه هه‌ڵاتم، نه‌مگرته‌وه گرتمه‌وه، به‌ڵام نه‌متوانی بیدوێنم دواندم، ئه‌و نه‌یدواندم دواندم و ژنه‌فتی و... وه‌ڵامی دامه‌وه.. من شتێكی تازه‌م پی گوت و.. ئه‌و هه‌ر قسه‌كانی جاری جارانی دووباره كرده‌وه ئای جاری جاران... من دواندم، ئه‌و هه‌ر وتی.. تا سه‌ری ئه‌و شه‌قامه من سه‌رێكی ڕه‌زامه‌ندیم بۆ له‌قاند و دوو چایی هێشتاكه دوو چایەكه ته‌واو نه‌بوو ئه‌و پێی وابوو دره‌نگه، هه‌زار چامان خوارده‌وه.. هه‌زارجار تاسه‌ری ئه‌و شه‌قامانه ڕۆشتین. به‌ڵام من هێشتاكه دواچێژی ئه‌و پیاسانه‌م نه‌كردبوو، ئه‌و بووه وێنه‌یه‌ك له‌ناو سه‌رمدا من دوا چایم له‌گه‌ڵدا نه‌خوارده‌وه، ئه‌و بوو به دێڕێك له‌ناو دڵمدا.. بوو به نیگایه‌ك له ڕوانینمدا.. بۆیه له‌و ده‌مه‌وه، هه‌موو ڕۆژێ كه هه‌ڵده‌ستم، بۆ شتێك ده‌گه‌ڕێم و نایدۆزمه‌وه، ده‌یدۆزمه‌وه، به‌ڵام له‌ناو سه‌رمدایه و.. به‌ته‌نیشمدا هه‌نگاو نا...