شاره‌كان خه‌ریكن به هه‌وایی ته‌نیاى خۆیان ده‌خنكێن
شاره‌كان خه‌ریكن به هه‌واى ته‌نیاى خۆیان ده‌خنكێن
ئه‌م
كاته‌ت باش به‌ڕێز نامۆ
من
ئه‌زانم تۆ چه‌نده سه‌رسه‌ختى له پاراستنى ته‌نیایتدا
نه‌ك
نامه‌یه‌كم
هاتنى
خۆشم ته‌نیایى تۆ ناشێوێنێ.
ئه‌زانم..
ئه‌زانم
ئه‌زانم
تۆ به‌یانیان وئێواران خۆت له سێبه‌ره‌كه‌ت ده‌شاریته‌وه.
پێتوایه
سێبه‌ره‌كه‌ت هاتنى یه‌كێكى تره
یه‌كێكى
تر حه‌شاماته
سێبه‌ره‌كه‌ت
هاتنى حه‌شاماته
سێبه‌ره‌كه‌ت
حه‌شاماته به‌ڵێ،
نامه‌یه‌ك
له‌و دووره‌وه حه‌شامات نیه
نامه‌یه‌ك
له منه‌وه سێبه‌ر نیه
نامه‌یه‌ك
له منه‌وه یه‌كێكى تر نیه.
نه‌خێر
به‌ڕِێز
ئه‌و
نامه‌یه حه‌شامات نیه
دوور
دوور له نزارانه‌وه..
دوور
دوور له‌و كێوانه‌وه هاتوه.
ئه‌زانم
تۆ شه‌ڕ له گه‌ڵ قه‌ره‌باڵغیدا ده‌كه‌یت،
له
یادمه تۆ ڕۆژێك وتت هه‌واى شاره‌كان خه‌ریكه كێوه ته‌نیاكان ده‌خنكێنێت
تۆ
له‌وێیت به‌ر له‌و هه‌وایه ده‌گریت،
كێوه‌كان
بێ تۆ ئه‌خنكێن.
مه‌ترسه
ئه‌م نامه‌یه‌ى من یه‌كێكى تر نیه
ئه‌م
نامه‌یه هه‌واى شاره‌كان نیه
ئه‌م
نامه‌یه بێ به‌ریه له من
ئه‌م
نامه‌یه بێ به‌ریه له شاره‌كان
ئه‌م
نامه‌یه هى كێوه‌كانه.
نازانم
تۆ چۆن ڕۆژه‌كان به سه‌ر ده‌به‌ییت
من
ڕۆژانه له نێو قه‌ره‌باڵغیدا له گه‌ڵ یه‌كێكى تردا سه‌یرى تیڤى ده‌كه‌ین
له
نیۆ قه‌ره‌بالغیدا له‌گه‌ڵ یه‌كێكى تردا ڕۆژنامه ده‌خوێنینه‌وه
به‌ڕێز
نامۆ شاره‌كان ڕۆژنامه ده‌خوێنه‌وه و سه‌ماده‌كه‌ن
ده‌خۆنه‌وه‌و
ڕۆژنامه ده‌خوێننه‌وه
كۆده‌بنه‌وه‌و
ڕۆژنامه ده‌خوێننه‌وه
كۆده‌بنه‌وه‌و
سه‌ماده‌كه‌ن
ئه‌وان
له ئاهه‌نگه‌كاندان
ئێمه
له ئاهه‌نگه‌كانداین
ده‌خۆیینه‌وه‌و
سه‌ماده‌كه‌ین وكامیراكان وێنه‌مان ده‌گرن
ئێمه
ته‌ماشای تیڤى ده‌كه‌ین
به‌رده‌وام
كۆده‌بینه‌وه‌و ده‌مه‌ته‌قێ ده‌كه‌ین
هه‌ست
بكه‌ین یه‌كێك ته‌نیایه ماله‌كه‌ى پڕ ده‌كه‌ین له كامێراو سه‌ماكه‌ر
ماڵى
هه‌مومان پڕه له سه‌ماكه‌ر.
هه‌ست
بكه‌ین یه‌كێك ته‌نیایه باوه‌شێك مایكى بۆ ده‌به‌ین
ماڵى
هه‌موومان پڕبووه له مایك.
یه‌كێك
ته‌نیا بێت
شار
ده‌به‌ینه ماڵیه‌وه
شار
به باڵه‌خانه‌كانه‌وه
شار
به چراكانیه‌وه
شار
به پاسه‌وان و سواڵكه‌رو وه‌زاره‌ته‌كانه‌وه.
هه‌ست
بكه‌ین یه‌كێك ته‌نیایه حكومه‌ت ده‌به‌ینه ماڵیه‌وه،
ماڵى
هه‌موومان پڕبوه له باڵه‌خانه و چراو پاسه‌وان و سواڵكه‌رو حكومه‌ت
هه‌ست
بكه‌ین یه‌كێك ته‌نیایه ئه‌و كێوانه ده‌كه‌ینه تكا سه‌ما بكات
ئه‌و
كێوانه ده‌كه‌ینه تكا وێنه‌ى بخه‌ینه سه‌ر په‌ڕه‌ی یه‌كه‌مى ڕۆژنامه‌كان
كه‌س
له شاره‌كاندا نه‌ماوه وێنه‌ى نه‌چوبێته سه‌ر په‌ڕه‌ى یه‌كه‌مى ڕۆژنامه‌كان
شار
به‌یانى تا ئێواره له ئاهه‌نگه
شار
ئێواره تا به‌یانى له ئاهه‌نگه
ئێمه
له شاره‌كاندا ئۆتۆمبێل و باڵه‌خانه‌و سه‌ماكه‌رو ڕۆژنامه‌كانمان كردوه به سێبه‌ر
كه‌چى
شار به‌یانى و سێبه‌رى نیه
كه‌چى
شار ئێواره‌و سێبه‌رى نیه
به‌ڕێز
نامۆ شار كه‌س تێیدا سێبه‌رى نیه
به‌ڕێز
نامۆ شار كه‌س تێیدا یه‌كێكى ترى نیه
ئاهه‌نگ
و مایكه‌كان نه‌بونه‌ته سێبه‌رى كه‌س
شار
خۆى نه‌بووه به سێبه‌رى كه‌س.
ئه‌وه
نیه شاره‌كان خۆیان سێبه‌ریان نیه و یه‌ك به‌دواى یه‌ك له بێ تاقه‌تیدا ده‌چن
شه‌ڕ به شارێكى تر ده‌فرۆشن كه سێبه‌رى نیه.
به‌ڕێز
نامۆ ئه‌م نامه‌یه له گه‌رمه‌ى ئاهه‌نگه‌كاندا بۆنى ته‌نیایى شاره‌كانى هێناوه
بۆنى
ته‌نیایى حه‌شاماتێكى هێناوه له گه‌رمه‌ى كۆبونه‌وه‌كانیاندا
به‌ڕێز
نامۆ به تكا له‌و كێوانه جێگاى ته‌نیایى شاره‌كان بكه‌ره‌وه
شاره‌كان
خه‌ریكە به هه‌واى ته‌نیاى خۆیان ده‌خنكێن
فرسه‌تی
فێربون ببه‌خشه به شاره‌كان تا به‌دواى سێبه‌ردا نه‌گه‌رێن، ئه‌وان گوێیان
ئاخێنراوه به ڕووناكى چراكان.
چاویان
پڕ بوه له ده‌نگى مایكه‌كان بێ ئه‌وه‌ى كه‌سێك له پشتییه‌وه وه‌ستابێت
شاره‌كان
ته‌نیایى كه‌سێكیان پڕ نه‌كردۆته‌وه
ئه‌و
كێوانه جێى هه‌موو شاره‌كانى تێیدا ده‌بێته‌وه!
هۆنراوه‌ی تر........
Comments
Post a Comment
سوپاس بۆ سه‌رنجه‌كه‌ت و بۆ ده‌وڵه‌مه‌ندكردنی بابه‌ته‌كه.......