لە نامۆبوونەوە بۆ تیرۆر: مەترسیەکانی "مه‌شغه‌ڵی ڕێی" سەید قوتب
لە نامۆبوونەوە بۆ تیرۆر: مەترسیەکانی "مه‌شغه‌ڵی ڕێی" سەید قوتب
نزیكه‌ی پانزه بۆ بیست ساڵ ئه‌بێت بۆ یه‌كه‌م جار كتێبی “مه‌شخه‌ڵی ڕێگای – معالم فی الطریق” بیرمه‌ندی جیهادیست “سه‌ید قوتب”م خوێنده‌وه به وه‌رگێڕانی “مه‌لا كرێكار”…ئێستا وه‌ك ئه‌و ساڵانه زیاتر و ڕوونتر مكوڕم له‌سه‌ر ئه‌وه‌ی، كه هه‌رجاره‌ی دیارده‌یه‌ك یان ڕووداوێك یان كرده‌وه‌یه‌كی تیرۆریستی ده‌بینم، دڵنیا ده‌بمه‌وه كه ئه‌م كه‌سه یان ئه‌م دیارده‌یه له هه‌ناوی ئه‌م جۆره كتێب و ڕێگاو مه‌شخه‌ڵ و چرایاناوه هاتوونه‌ته ده‌ره‌وه.
بیست ساڵ هه‌موومان شاهیدی ڕووداوی ترسناكی گه‌وره‌بووین و ته‌شه‌نه‌سه‌ندنی لووی سه‌ید قوتبین له هه‌ناوی كۆمه‌ڵگه‌ی خۆمان و كۆمه‌ڵگه‌كانی ده‌ووروبه‌رماندا. بێگومان ئه‌م كتێبه له ساڵی ١٩٦٤ به عه‌ره‌بی نوسراو له‌ژێر ناوی (معالم فی الطریق) و نزیكه‌ی چه‌ند ده‌یه‌یه‌كی ێپچوو تا گه‌شت به كۆمه‌ڵگه‌ی كوردی.
له‌و كاته‌وه‌ی ئه‌م كتێبه چووه ماڵ و به‌رده‌م مێزی خوێنده‌واری عه‌ره‌ب و فارس و ئه‌وانیتر ، نێگه‌تیڤانه هه‌زاره‌ها بیرو نه‌ریت و هزرو دیارده‌ی گۆڕی.
ناتوانین ئه‌م كتێبه وه‌ك كتێبێكی ئاسایی وه‌ربگرین، ئه‌م كتێبه و كتێبه هاوه‌ڵه‌كانی ئۆباڵی ده‌ریایه‌ك خوێنیان له هه‌موو جیهاندا له ئه‌ستۆدایه. له ناویاندا یازده هه‌زار شه‌هیدی شه‌ڕڤان و دوو هه‌زار پێشمه‌رگه‌و نزیكه‌ی سی هه‌زار برینداری پێشمه‌رگه‌و شه‌ڕڤانی كورد ئه‌مه له پاڵ پێنج هه‌زار ژن و منداڵ و پیاوی ئێزیدی. ئه‌مه جگه له هه‌زاره‌ها هه‌زار مرۆڤ له نه‌ته‌وه‌كانی تر و وێرانبوونی چاره‌نوسی ده‌یه‌ها منداڵ و ژن. وێران بوون و دواكه‌وتنی چه‌نده‌ها شارو كۆمه‌ڵگه بۆ دواوه.
تۆمه‌تباری سه‌ره‌كی هه‌موو ئه‌م ڕووداوانه سه‌ید قوتب و بیری پێش و پاشی سه‌ید قوتبن. تاوانباران بیرو پراكتیكه‌كانی هاوشێوه‌كانی نێو كتێبه‌كانی له چه‌شنی ( معالم فی الطریق – مه‌شخه‌ڵی ڕێگا)ن له بوخاریی و ئیبن ته‌یمیه‌وه بۆ حه‌سه‌ن به‌نا تا ئه‌بوو به‌كری به‌غدادی.
بێگومان زمانی ئه‌م كتێبه ئه‌وه‌نده ئاسان و ئاسان و ئاساییه بچێته به‌رده‌م هه‌ر فه‌رمانبه‌رێكی ئاسایی وه‌زاره‌تی ڕۆشنبیریی ئه‌م حكومه‌تی هه‌رێمه‌ش، به ئاسانی ژماره‌ی سپاردنی پێ ده‌به‌خشێت و تێپه‌ڕده‌بێت.. به‌ڵام كاریگه‌ری ئه‌م كتێبه ئه‌و كاته‌یه كه كه‌سێك ده‌یخوێنێته‌وه و بڕیارده‌دات جێبه‌جێی بكات.
ئیخوانه‌كانی كوردستان ئه‌و ساڵانه‌ی كۆتایی نه‌وه‌ده‌كان و سه‌ره‌تای دوو هه‌زاره‌كان ئاشقی سه‌ید قوتب بوون، هیوادارم ئێسته گوڕێبێتیان به عه‌لی شه‌ریعه‌تی و ته‌حسین حه‌مه غه‌ریب! هه‌ر چه‌نده ئه‌م ڕۆژانه هه‌موومانه له فه‌رمانگه‌كانمان و له بازاڕ و ناو كۆبوونه‌وه‌كانماندا هاوه‌ڵ و دۆست ئه‌بینین یه‌كپارچه (سه‌ید قوتبین) … بۆ نمونه ئه‌م به‌یانیه توشم بوو به توشی یه‌كێكیانه‌وه زۆر به‌جدی بۆ نیقابی سووتاو ئه‌گریا له "باغۆز" له‌دوا پێگه‌ی ڕوخێنراوی ئه‌و ده‌وڵه‌تی خه‌لافه‌یه‌دا، له كاتێكدا نیقاب خۆی سته‌مێكه له نیقاب به‌سه‌راكراو.
له‌ڕاستیدا سه‌ید قوتب میتۆد و ڕێگایه‌كی ئاسان ده‌سه‌پێنێت به‌سه‌ر خه‌ڵكی موسڵماندا و هه‌ر له‌و ڕێگایه‌شه‌وه ئاماده‌یان ده‌كات بۆ ئه‌وه‌ی ببنه تیرۆرست..میتۆدو ڕێگایه‌كی ئاسان، ئه‌ویش چییه؟ تێكه‌ڵ مه‌به، دوور بكه‌وه‌ره‌وه له خه‌ڵكی، و نامۆبه پێیان، ڕقت له گوفتار و ڕفتاریان بێت. قێز و بێزیان لێبكه‌روه، دوور بكه‌وه‌ره‌وه له هه‌مووو ئه‌وانه‌ی وه‌ك تۆ موسڵمان و به باوه‌ڕ نین، مامه‌ڵه‌ی كۆمه‌ڵایه‌تی و دارایی و ئابووری و هه‌موو شتێكیان له گه‌ڵدا ببڕه.
پرۆسه‌ی خۆنامۆكردن و خۆبێگانه‌كردن له كۆمه‌ڵگه‌ی هاوچه‌رخ:
Comments
Post a Comment
سوپاس بۆ سه‌رنجه‌كه‌ت و بۆ ده‌وڵه‌مه‌ندكردنی بابه‌ته‌كه.......